Sithanen pé faire nou ène maru lavage dépi ki li finne « baisse droit de douane » lor produits de lavage, parfum, confit de canard ek chocolat !

Nou ration tout le jour pas pou baisser.

Boite tomate touzour 20 roupies a monter.

Sardine pas cozé.

La viande, poisson, poule plis ki 100 roupies le kilo.

Dholl puri finne vine 10 roupies dans trois ans ! So prix finne doubler dans zis trois ans.

Fromage plis ki 50 roupies ek pas pé baisser.

Se ki pé baisser c’est biscuit ki ti pé vende a 60 -70 roupies et chocolat 300 roupies.

Zis banne se ki éna  ek touriste ki acheter sa.

La mousse canard pou l’hôtel ki pé baisser.

Nou, le pep, même pas manger sa, mais banne couma Sithanen ki fréquente l’hôtel ki conne sa !

Finne rode faire croire ki prix médicament pou baissé parski pé enlève TVA. Ene véritable arnaque parski pena TVA lor médicaments. Au lieu baissé, prix médicaments finne monté !

Astère pou éna lezot pays ki pou faire dumping dans Maurice ek c’est nou banne industries ki pou mort.

Mari maquiller Sithanen finne faire pou so Budget de misere !!!

Avec so banne mesure d’économie ki li même finne faire plis ki 7000 familles vine super pauvres sa dernier deux ans.

Sithanen finne dévide roupies dans nou poche pendant deux ans ek astère ki li pé donne nou 20 sous !! Lor la li gagne chamcha pou dire li bravo !!! Maru sa lepep !!!

Ou a va trouver dans 2-3 mois ki difé pou gagner lor prix !!!

SITHANEN ENE BLUFFER !