MES

Azordi pou kone ou vrai résultat l’examen ou bizin protester et après deuxième correction ki ou pou kone ou vrai performance. Mais ou bizin payer pou capave demande correction si pena moyen pou payer alors ou pas pou kone la vérité.

Ala kot nou système l’éducation pe amene nou banne jeunesse zordi jour.

MES finne fanne so dalle l’année dernière lors résultats français, plus ki 6 mois après proclamation résultats ki banne élèves finne appranne ki résultats finne faussé. Beaucoup finne abandonne l’école a cause ti marque zot fail alors ki zot ti passé, ena finne bizin perdi ene l’annee pou redoubler classe. Ou pou rappelle ministre Gokool ti pe rode touffe ca cas la. Fact Finding Committee fine instituer pour faire la lumière lors la mais ziska l’heure zéro plombage.

Entre temps MES ré-fanne so dalle dans correction ca l’annee la.

Faudré banne z’élèves finne protester encore pou kone zot vrai résultats, ena ene élève ti sorti rang 27eme mais kan refaire correction li sorti 4eme. Ala ki manière pe traite nou banne jeunes dan ca pays la  azordi.

Le MSM ti dénonce la manière ki fine nomme ene politicien a la tète ene institution comment MES. Azordi le temps donne le MSM raison avec ca banne scandale dans l’éducation la.

La jeunesse mauricienne ki pe souffert ek pe perdi confiance dan nou pays. Anou sauve nou pays, anou joinne le MSM pou prépare nou pays pou ene meilleur avenir.

Banque de Maurice a la merci du Secteur Privé

Kan la roupie déprécier, tout prix banne produit importé augmenter, mais kan roupie apprécier, prix continué augmenter même. Secteurs exportateur ek importateur tappe plein mais consommateur reste payer même.

Azordi la Banque de Maurice aussi finne vinne ene valet du secteur privé pareil comment ministre Sithanen. Banne secteur privé ki pe dirige la Banque de Maurice, zot pe décider kan la banque bizin intervenir lors marché devises pou faire nou roupie perdi so valeur avec seul but pou donne secteur exportateur gagne plus profit au détriment consommateur local. La banque finne fini acheté plus ki ene milliard roupie en dollars américain juste pou satisfaire ene ti groupe secteur privé.

Ou rappelle l’Alliance Sociale ti faire campagne pou baisse prix banne produits surtout produit de bases. Azordi dan tout so banne décisions, li pe faire totalement le contraire et la population ki pe souffert plus.

Nou dan MSM, nou dire ki sa politique de Sithanen ek la Banque de Maurice li pou amene ene appauvrissement de la majorité de la population sauf pou ene ti group capitaliste ki pe tappe plein partout avec ca gouvernement la.

Insécurité dan pays pe aggravé

Nou pays lors volcan, pena ene jours ki passer ki ou pas tende ene vol, crime ek agression ki finne commette. Dan village comment dan la ville, problème la partout. Banne gang organiser finne prend nou pays en otage avec bénédiction ministre la justice. La loi du plus fort ki pe régner depuis ki Rama Valayden ministre la justice.

Leader MSM, Pravind Jugnauth, finne faire ene l’appel au premier ministre ek leader l’opposition pour trouve ene solution a ca problème Law & Order parce ki c’est ene problème en dehors politique. Malheureusement, premier ministre pas finne prend conseil nou Leader ek li dire li même li pou mat ca problème Law & Order. Depi ki li finne dire ca, beaucoup semaines ine passer, pas finne trouve oken changement et banne vol, agression ek crime pe continuer.

Entre temps Commissaire Police en dehors pays et le No.2 la police pe faire banne déclaration a gauche a droite résultat la police en général trouve li dan ene situation confus et encore plus démotivé.

Le MSM fine annonce ene série banne reforme ki pou bizin appliker dan la force policière ek le judiciaire pou redresse nou pays. Entre autre pou bizin :

• Revoir critère sélection pou recrutement banne la police
• Donne formation continue a banne la police
• Donne assistance d’un homme de loi dan banne District Police Head Quarters
• Donne la police banne meilleur outil de travail exemple uniforme, véhicules, matériels etc.
• Revoir le Bail Act pou certain crimes
• Utilise nouvelle technique pou faire l’enquête exemple ADN
• Application la peine capitale pou banne trafikants la drogue ek pou banne crime avec préméditation
• Accélère banne l’enquête pou ki banne suspect ki pas gagne caution pas fermer dan cellule pendant trop longtemps avant juge zot

Ena ene proverbe ki dire :

«Aux grands maux, les grands remèdes »

MSM avec so Leader pas peur pou prend banne grand décision pou redresse nou pays. La population capave faire confiance le MSM parce ki nou dire ce ki nou faire.