Minis Jeetah pé faire ping pong ar la population lor zaffaire la farine. Tantot li coz la Chine, asoir li coz la Turquie, mais kan li lever gramatin li finne bizin accepter ki Moulin La Concorde ki finne tire pays dans dif tout le temps.

La farine la Chine vinne bon lacolle mais pas du pain. Li vinne mine mais pas farata.

La farine la Turquie fin coumence cuit tout seul lor bato la ! Finne bizin trier avant ramasser. Astère ene partie finne commence pouri dans grenier STC. STC dire ki dilo ki finne faire sa, mais li bizin accepter ki la farine la Turquie la bon pou zanimo !

Sa même Moulin de la Concorde ki Jeetah ti pé rode fermer en décembre 2007 ki pé fourni nou la farine pou roule lacaz ek manger !

Couma dire fable « On a toujours besoin d’un plus petit que soi ! »